Официальный портал мэрии Казани - Матбугат үзәге - Яңалыклар https://kzn.ru/rss/news.xml ta Wed, 28 Oct 2020 23:39:22 +0300 <![CDATA[Казан суга сикерү буенча Татарстан Республикасы Президенты Кубогын кабул итәчәк]]> https://kzn.ru/meriya/press-tsentr/novosti/kazan-primet-kubok-prezidenta-rt-po-pryzhkam-v-vodu/ (Казан шәһәре KZN.RU, 28-нче октябрь). 31-нче октябрьдән 5-нче ноябрьгә кадәр Казанда Су спорт төрләре сараенда суга сикерү буенча ТР Президенты Кубогы узачак. Ярышлар FINA Халыкара йөзү федерациясе кагыйдәләре буенча үтәчәк.

Ярышларда Россиянең 10 төбәгеннән 100-гә якын спортчы чыгыш ясаячак. Ярышларда катнашучылар арасында - 2002-2004 елларда һәм 2005-2006 елларда туган яшүсмер егетләр һәм кызлар.

Ярышларны оештырганда һәм уздырганда Кулланучылар хокукларын яклау һәм кеше иминлеге өлкәсендә күзәтчелек федераль хезмәте таләпләрен үтәүгә аерым игътибар биреләчәк, дип хәбәр итә ТР Спорт министрлыгы матбугат хезмәте.

]]>
Wed, 28 Oct 2020 16:46:01 +0300
<![CDATA[Татарстанда сәнәгать һәм башка махсус билгеләнештәге җирләргә дәүләт кадастр бәяләве тәмамланды]]> https://kzn.ru/meriya/press-tsentr/novosti/v-tatarstane-zavershena-gosudarstvennaya-kadastrovaya-otsenka-zemel-promyshlennosti-i-inogo-spetsial/ (Казан шәһәре KZN.RU, 28-нче октябрь). Татарстанда сәнәгать җирләренә һәм башка махсус билгеләнештәге җирләргә дәүләт кадастр бәяләве нәтиҗәләре расланды.

Боерык күчермәсе, шулай ук нәтиҗәләре ТР Җир һәм милек мөнәсәбәтләре министрлыгы сайтында «ТР сәнәгать җирләре һәм башка махсус билгеләнештәге җирләр» бүлекчәсендә урнаштырылган. 

Кадастр бәясен билгеләгәндә җибәрелгән хаталарны төзәтү кирәк булган очракта, Дәүләт кадастр бәяләве үзәгенә мөрәҗәгать итәргә мөмкин. Исегезгә төшерәбез, гражданнар үзләренең кисәтүләрен 20-нче августка кадәр шәхсән, почта аша, электрон рәвештә яки КФҮ аша кертә алдылар. 

]]>
Wed, 28 Oct 2020 16:22:49 +0300
<![CDATA[1 ноябрьдән Казанда 70-нче һәм 71-нче автобус маршрутларына вакытлыча «ПАТП №2» муниципаль унитар предприятиесе хезмәт күрсәтәчәк]]> https://kzn.ru/meriya/press-tsentr/novosti/s-1-noyabrya-avtobusnye-marshruty-70-i-71-v-kazani-vremenno-budet-obsluzhivat-mup-patp-2/ (Казан шәһәре KZN.RU, 28-нче октябрь). 1-нче ноябрьдән Казанда 70-нче һәм 71-нче номерлы автобус маршрутларына «ПАТП №2» муниципаль унитар предприятиесе хезмәт күрсәтәчәк. Әлеге маршрутлар буенча конкурс үткәреләчәк, җиңүче белән муниципаль контракт төзеләчәк.

Ике шәһәр маршрутына хезмәт күрсәтүгә шәхси эшкуар Умарова Светлана Мамедовна белән төзелгән килешү 1-нче ноябрьдән өзелә. Шәһәр транспорты комитетында аңлатуларынча, ташучы расланган графиклар нигезендә маршрутларга тулы күләмдә хезмәт күрсәтә алмый.

Коронавирус инфекциясе таралу сәбәпле, яздан күрсәтелгән маршрутларда пассажирлар агымы һәм табыш кимегән, шуның аркасында шәхси эшмәкәрдә түли алмый торган лизинг түләүләре буенча бурычлар җыелган. Лизинг компаниясе йөртүчедән 70-нче һәм 71-нче номерлы маршрутларда эшләүче автобусларны ала, шуңа бәйле рәвештә шәхси эшмәкәр пассажирлар ташу базарыннан китәргә мәҗбүр.

Моннан тыш, ташучы эшенә - автобусларның хәрәкәт графигына һәм линиядә транспорт чараларының аз санда булуына - Казан транспорт комитетына шәһәр халкы зарланган.

]]>
Wed, 28 Oct 2020 15:58:30 +0300
<![CDATA[Казанлылар «Зур этнографик диктант» язачаклар]]> https://kzn.ru/meriya/press-tsentr/novosti/kazantsy-napishut-bolshoy-etnograficheskiy-diktant/ (Казан шәһәре KZN.RU, 28-нче октябрь). 3-8-нче ноябрь көннәрендә «Зур этнографик диктант» халыкара акциясе узачак, анда барлык теләүчеләр катнаша алачак. Быел акция онлайн-форматта уздырыла, ә катнашучыларның шундук дөрес җавапны белү һәм чыганакларга сылтамалар белән тарихи белешмә алу мөмкинлеге булачак.

Диктант 30 тест биременнән торачак: барлык катнашучылар өчен бертөрле 20 уртак һәм һәр субъектта яшәүчеләр өчен уникаль 10 сорау.

Максималь рәвештә диктант өчен 100 балл алырга була: һәр өлеш өчен 70 һәм 30 балл. Барлык биремнәрне 45 минут эчендә үтәргә кирәк - бу вакыт узгач биремнәр ябылачак. Диктантны өч телдә язарга мөмкин: рус, инглиз һәм испан телендә.

Биремнәр 3-нче ноябрь төненнән соң акциянең рәсми сайтында урын алачак, ә катнашучы сертификаты, нәтиҗәләрне күрсәтеп, диктант узганнан соң ук формалашачак.

Биремнәргә дөрес җаваплар 16-нчы ноябрьдә акция сайтында урын алачак, шәхси нәтиҗәләрне бастырып чыгару 12-нче декабрьгә планлаштырылган.

Акциядә катнашу өчен сайтка кереп «Диктант язарга» кушымтасын сайларга кирәк. Социаль челтәрләрдә диктант турындагы нечкәлекләрне белергә, шулай ук аны уздыру турындагы нигезләмәне күчереп алырга була.

Россиядә акция бишенче тапкыр узачак. Узган ел Татарстанда «Зур этнографик диктант» барлык 45 муниципаль берәмлектә 105 мәйданчыкта узды, Казанда акция үткәрү өчен 13 мәйданчык эшләде.

]]>
Wed, 28 Oct 2020 15:22:34 +0300
<![CDATA[Казанда шәһәр маршрутларына 53 яңа газ-мотор автобусы чыкты]]> https://kzn.ru/meriya/press-tsentr/novosti/v-kazani-na-gorodskie-marshruty-vyshli-53-novykh-gazomotornykh-avtobusa/ (Казан шәһәре KZN.RU, 28-нче октябрь). Бүген шәһәр маршрутларына 53 яңа газ-мотор автобусы чыкты. 23 автобус 36-нчы «Вещевой рынок - Осиново» маршрутына, 30 НефАЗ - «Ферма-2 - Су Анасы» маршрутына хезмәт күрсәтә.

Исегезгә төшерәбез, сентябрьдә «ПАТП №4» муниципаль унитар предприятиесе 23 яңа автобус алды, октябрьдә «ПАТП №2» муниципаль унитар предприятиесе автопаркына тагын 30 яңа автобус килде. Хәзер автотранспорт предприятиеләрендә рәсмиләштерү процедурасы тәмамланган, техник хезмәт барлык кирәкле эшләрне башкарган, дип хәбәр иттеләр Казанның транспорт комитетында.

Шулай итеп, 36-нчы һәм 45-нче номерлы маршрутларда хәрәкәтчән состав тулысынча яңартылган. Бу маршрутларда газ-мотор ягулыгында яңа НефАЗлар эшли.

Яңа НефАЗ газ-мотор автобусларын Казанга китертү «Юл хуҗалыгын үстерүнең гомумсистема чаралары» федераль проекты һәм «Имин һәм сыйфатлы автомобиль юллары» илкүләм проекты кысаларында гамәлгә ашырылды.

]]>
Wed, 28 Oct 2020 15:01:50 +0300
<![CDATA[«Казан» гаилә үзәгендә кызыл ут кабыначак]]> https://kzn.ru/meriya/press-tsentr/novosti/tsentr-semi-kazan-stanet-krasnym-v-znak-borby-s-insultom-/ (Казан шәһәре KZN.RU, 28-нче октябрь). Инсультка каршы көрәш көнендә, 29-нчы октябрьдә, «Казан» гаилә үзәге «Кызылдан киен» акциясенә ярдәм итәчәк. Бу көнне бина йөрәк-кан тамырлары авырулары арту аркасында килеп туган борчылуны символлаштырып, кызыл төс белән яктыртылачак.

Касәдә кызыл төс белән яктырту 17.00 сәгатьтә кушылачак, дип хәбәр итә Парклар һәм скверлар дирекциясе.

Ел саен «Кызылдан киен» акциясен инсультлар проблемасына игътибарны җәлеп итү өчен Россия кардиология җәмгыяте үткәрә. Казаннан тыш акцияне тагын 10 Россия шәһәре хуплаячак. Шулай итеп, бу көнне Бөек Новгородтагы Останкино манарасының һәм РТРС телеманарасының яктырткычы, Пенза, Саранск, Грозный, Ростов-на-Дону, Самара, Ставрополь, Тула һәм Чиләбедә әһәмиятле биналар кызыл төскә керәчәк.

Искәртәбез, 29-нчы октябрьдә Казан телеманарасы да кызыл төскә буялачак. Яктырткычлар 18.00 сәгатьтән 22.00 сәгатькә кадәр эшләячәк.

]]>
Wed, 28 Oct 2020 14:34:41 +0300
<![CDATA[Чираттагы рейд барышында Казанның җәмәгать транспортында 1,6 меңнән артык битлек режимын бозучыны ачыклаганнар.]]> https://kzn.ru/meriya/press-tsentr/novosti/v-khode-ocherednogo-reyda-v-obshchestvennom-transporte-kazani-vyyavili-bolee-1-6-tys-narushiteley-ma/

(Казан шәһәре KZN.RU, 28-нче октябрь). Кичә Казанның җәмәгать транспорты пассажирлары һәм экипажлары тарафыннан битлек режимының үтәлүен тикшерү буенча рейд барышында 1658 хокук бозучы ачыкланган.

Автобусларда, трамвайларда, троллейбусларда һәм метрода тикшерүне Казан Транспорт комитеты хезмәткәрләре, «Пассажирлар ташу оешмасы» муниципаль казна учреждениесенең контроль-ревизия хезмәте, транспорт предприятиеләренең контроль-ревизия хезмәтләре үткәрде.

Барлыгы 31 шәһәр тукталышында һәм метро станцияләрендә 931 җәмәгать транспорты берәмлеге тикшерелде. Рейд нәтиҗәсендә тикшерүчеләр битлексез йөрүче 1658 пассажирны ачыклаган. Алар арасыннан 1602 пассажир шәхси саклану чараларын урында киде, ә 56 пассажир битлек булмау сәбәпле җәмәгать транспортыннан төшеп калды.

Шулай ук узган төндә «Пассажирлар ташуны оештыручы» муниципаль казна учреждениесенең контроль-ревизия хезмәте хезмәткәрләре, ташучыларның төнлә автобуслар салоннарын махсус дезинфекцияләүче чаралар белән эшкәртүне ничек дәвам итүләрен тикшерү өчен, шәһәр автотранспорт предприятиеләренә чыктылар. Тикшерү нәтиҗәләре буенча хокук бозулар ачыкланмаган, хәрәкәтчән составны эшкәртү тулы күләмдә башкарыла.

Соңгы тукталышларда контроль-ревизия хезмәте хезмәткәрләре кондукторларның Кулланучылар хокукларын яклау һәм кеше иминлеге өлкәсендә күзәтчелек федераль хезмәте таләпләрен ничек үтәүләрен тикшерделәр. Исегезгә төшерәбез, рейска чыгар алдыннан һәр кондукторга дезинфекцияләү чаралары бирелә. Төшке аш тәнәфесе вакытында алар өстәмә рәвештә тоткычлар и утыргычларны эшкәртәләр. Маршрутларда профилактика чаралары тулы күләмдә уздырыла, дип хәбәр иттеләр Транспорт комитетында.

Исегезгә төшерәбез, кискен респиратор-вируслы инфекцияләр һәм грипп авыруларының сезонлы күтәрелүе чорында Кулланучылар хокукларын яклау һәм кеше иминлеге өлкәсендә күзәтчелек федераль хезмәте җәмәгать транспортында дезинфекциянең агымдагы режимын көчәйтергә киңәш итте.

]]>
Wed, 28 Oct 2020 14:23:27 +0300
<![CDATA[Казанда караклык гамәлләренең яңа схемасы теркәлгән.]]> https://kzn.ru/meriya/press-tsentr/novosti/novaya-skhema-moshennicheskikh-deystviy-zafiksirovana-v-kazani/ (Казан шәһәре KZN.RU, 28-нче октябрь). Татарстан башкаласында караклык гамәлләренең яңа схемасын ачыклаганнар. Җинаятьче прокуратура хезмәткәре кыяфәтендә Казан югары уку йорты җитәкчесен алдарга теләгән.

Уку йорты ректорына үзен югары дәрәҗәле күзәтчелек ведомствосы хезмәткәре дип таныштырган ир-ат шалтыраткан. Ул барлык югары уку йортларына Кулланучылар хокукларын яклау һәм кеше иминлеге өлкәсендә күзәтчелек федераль хезмәте хезмәткәрләре катнашында тикшерү киләчәк, дип белдергән. Уку йорты җитәкчесе гариза белән полициягә мөрәҗәгать иткән. Җинаятьче материаль таләпләрен куярга өлгермәгән.

Татарстан прокуратурасы аңлатканча, «Дәүләт контроле (күзәтчелеге) һәм муниципаль контроль алып барганда юридик затларның һәм шәхси эшкуарларның хокукларын яклау турында» федераль законы нигезендә тикшерүләр планлы һәм планнан тыш булырга мөмкин. Планлы тикшерүләр Россия Федерациясе Генераль прокуратурасы тарафыннан төзелгән еллык җыелма планнар нигезендә уздырыла. Әлеге план ведомствоның рәсми сайтында урнаштырыла. Шулай итеп, кайсы юридик затка һәм кайсы вакытта контроль органнары тарафыннан тикшерү уздырылачагы турында мәгълүматны ачык кулланылышта алырга мөмкин. Планлы тикшерүләр елына бер тапкырдан да ешрак уздырылмый.

Сәламәтлек саклау, мәгариф өлкәсендә, социаль өлкәдә эшчәнлек алып бара торган юридик затларга карата планлы тикшерүләр өч ел дәвамында ике тапкырдан артык үткәрелергә мөмкин. Мондый тикшерүне үткәрү турында юридик зат тикшерү органына аны үткәрү башланганчы өч эш көненнән дә соңга калмыйча хәбәр итә. Учреждениегә планлы тикшерүне уздыру башлануы турында контроль органы җитәкчесе (җитәкче урынбасары) күрсәтмәсенең яисә боерыгының күчермәсе җибәрелә.

Юридик зат тарафыннан билгеләнгән таләпләрне үтәү, контроль органнары күрсәтмәләрен үтәү, гражданнарның гомеренә, сәламәтлегенә зыян китерүне булдырмау, дәүләт иминлеген тәэмин итү, табигый һәм техноген характердагы гадәттән тыш хәлләр килеп чыгуны кисәтү буенча чаралар үткәрү планнан тыш тикшерү предметы булып тора. Планнан тыш тикшерү үткәрү турында юридик зат тикшерү органына аны үткәрү башланганчы кимендә 24 сәгать кала мөмкин булган теләсә нинди ысул белән хәбәр итә.

«Россия Федерациясе прокуратурасы турында» федераль законы нигезендә тикшерү прокурор карары нигезендә үткәрелә һәм тикшерелә торган орган җитәкчесенә тикшерү башланасы көннән дә соңга калмыйча җиткерелә. Тикшерү үткәрү турындагы карарда тикшерү максаты, нигезләре һәм предметы мәҗбүри тәртиптә күрсәтелә.

]]>
Wed, 28 Oct 2020 13:39:37 +0300
<![CDATA[Казанлылар «Ветеран хыялы» социаль проектында катнаша ала]]> https://kzn.ru/meriya/press-tsentr/novosti/kazantsy-mogut-prinyat-uchastie-v-sotsialnom-proekte-mechta-veterana/ (Казан шәһәре KZN.RU, 28-нче октябрь). Казанлылар «Ветеран хыялы» социаль проектында катнаша ала. Татарстан халкына алар белән янәшә яшәүче Бөек Ватан сугышы ветераннарының батырлыгы, җиңүчеләрнең тормышка ашмаган зур һәм кечкенә хыяллары турында сөйләргә, шулай ук аларны башкаруда ярдәм итәргә тәкъдим итәләр.

«Ветеран хыялы» бөтенроссия социаль проекты 7-нче февральдә старт алды. Бүгенге көндә анда Россия Федерациясенең 50-дән артык төбәге катнашты. Күпчелек төбәкләрдә яшәүчеләр ветераннарның хыялларын тормышка ашырырга ярдәм итү үтенеченә җавап бирде, проектта катнашучылар арасында - Василий Лановой һәм Леонид Якубович, дип хәбәр итә оештыручылар.

Проект сайтында ветеранның хыялы турында сөйләргә яки үз ярдәмеңне тәкъдим итәргә мөмкин. Конкрет кешегә ярдәм итү өчен иганә ясау да җитә. Юридик затлар һәм шәхси эшмәкәрләр проектның партнерлары булырга мөмкин, шулай ук катнашырга волонтерларны да чакыралар. Әгәр дә ветеранның хыялын үтәү өчен акча җыю таләп ителмәсә, мәсәлән, герой артист белән очрашырга тели, махсус бүлек ярдәмендә ярдәм итү теләгең турында белдерергә мөмкин. 

]]>
Wed, 28 Oct 2020 12:52:11 +0300
<![CDATA[Татарстанда СОVID-19 белән авыруның 47 яңа очрагы теркәлгән]]> https://kzn.ru/meriya/press-tsentr/novosti/v-tatarstane-zaregistrirovano-47-novykh-sluchaev-zabolevaniya-covid-19/ (Казан шәһәре KZN.RU, 28-нче октябрь). Татарстанда COVID-19 белән авыруның 47 яңа очрагы теркәлгән, шуларның берсе чит илдән кайтучы кешедә, калганнары - контактлы. 7 кеше хастаханәгә озатылган, 40 кеше өйдә дәвалана.

Авыручылар арасында бер балигъ булмаган бала, 18 яшьтән 30 яшькә кадәрге 6 кеше бар, 26 кеше - 30 яшьтән 50 яшькә кадәр, 6 кеше - 50 яшьтән 60 яшькә кадәр, 5 кеше - 60 яшьтән 70 яшькә кадәр, 3 кеше - 70-тән 80 яшькә кадәр.

36 кеше - Казанда, 3 кеше - Нурлат районында, берәр кеше - Яр Чаллыда, Бөгелмә, Буа, Яшел Үзән, Кама Тамагы, Кукмара, Лаеш һәм Питрәч районнарында яши.

28-нче октябрьгә Татарстанда СОVID-19 белән авыруның 8282 очрагы теркәлгән. Пандемиянең бөтен чорында 7258 кеше сәламәтләнде, шул исәптән узган тәүлектә - 162 кеше, дип хәбәр итә ТР Сәламәтлек саклау министрлыгының матбугат хезмәте.

Федераль оператив штаб мәгълүматы буенча, Россиядә бер тәүлек эчендә 16 мең 202 авыру очрагы теркәлгән. Барлыгы илдә 1 млн 563 мең 976 кеше авырган, 1 млн 171 мең 301 кеше сәламәтләнгән, 26 мең 935 кеше үлгән.

]]>
Wed, 28 Oct 2020 11:57:02 +0300
<![CDATA[Казаннан Истанбулга яңа авиарейслар ачылды]]> https://kzn.ru/meriya/press-tsentr/novosti/otkrylis-novye-aviareysy-v-stambul-iz-kazani/ (Казан шәһәре KZN.RU, 28-нче октябрь). Казан аэропортының кышкы җәдвәлендә Истанбулга яңа даими рейслар барлыкка килде.

«Северный ветер» авиакомпаниясе очышларны дүшәмбе, чәршәмбе һәм шимбә көннәрендә башкара. Казаннан кузгалу 10.30 сәгатькә, Истанбулның яңа аэропортына килү 14.15 сәгатькә планлаштырыла. Төркия шәһәреннән самолет 15.15 сәгатьтә очып китәчәк, Татарстан башкаласына 18.45 сәгатьтә очып киләчәк. Юлдагы вакыт 3,5 сәгать тәшкил итә. Рейслар 189 кеше сыйдырышлы Boeing 737-800 самолетында башкарыла, дип хәбәр итә Казан аэропорты матбугат хезмәте.

Шулай ук 27-нче октябрьдә Turkish Airlines авиакомпаниясе Казан - Стамбул маршруты буенча көндезге вакытта беренче рейсны үтәде. Моңа кадәр барлык очышлар да бары төнлә генә булды. Көндезге рейс Казан рейсы һәм экзотик илләргә - Мальдивы, Танзания, Таиланд, Сингапур, Малайзия һәм башка юнәлешләргә - бара торган авиакомпания рейслары арасында очу вакытын кыскартырга мөмкинлек бирәчәк.

Көндез Казаннан Истанбулга һәм кире юнәлештә рейслар сишәмбе һәм шимбә көннәрендә түбәндәге җәдвәл нигезендә башкарыла: Казаннан 16.30 сәгатьтә очып китү, Истанбулга 20.30 сәгатьтә килү; Истанбулдан 11.50 сәгатьтә очу, Казанга 15.35 сәгатьтә килү. Казаннан Истанбулга төнге рейслар пәнҗешәмбе һәм дүшәмбе көннәрендә (02.15 - 06.15), Истанбулдан Казанга - чәршәмбе һәм якшәмбе көннәрендә (21.35 - 01.20) үтәлә. Һәр аэропорт өчен җирле вакыт күрсәтелгән. Төркиядә вакыт Мәскәү вакыты белән туры килә. Җәдвәлдә үзгәрешләр булырга мөмкин.

1-нче ноябрьдә Истанбулга тагын бер яңа авиарейс ачыла. Очышлар дүшәмбе, чәршәмбе, җомга һәм якшәмбе көннәрендә үтәчәк. Казанның «Победа» лоукостеры рейсларына Истанбул халыкара аэропорты хезмәт күрсәтәчәк.

]]>
Wed, 28 Oct 2020 11:29:51 +0300
<![CDATA[Илсур Метшин: «Кышын Казанда шәһәребездән Польшага кадәр ераклыкка тигез булган территорияне кардан чистарталар»]]> https://kzn.ru/meriya/press-tsentr/novosti/ilsur-metshin-zimoy-v-kazani-ochishchayut-ot-snega-territoriyu-ravnuyu-rasstoyaniyu-ot-nashego-gorod/ (Казан шәһәре KZN.RU, 28-нче октябрь, Ксения Швецова). Яңа кышкы сезонга Казанда төзекләндерү предприятиеләрендә 596 махсус техника әзерләнгән. Кардан чистартылырга тиешле шәһәр территорияләренең мәйданы 21 млн кв. метрдан артык тәшкил итә. Техниканың кышкы шартларда эшләүгә әзерлеген Казан Мэры Илсур Метшин «Городское благоустройство» муниципаль унитар предприятиесендә булган вакытында бәяләде. Шәһәр башлыгы кар чистарту машиналары автопаркын карады һәм предприятие хезмәткәрләре белән аралашты.

Бүгенге көндә барлык төзекләндерү предприятиеләре кышын юлларны карап тотуга әзер, дип билгеләп үтте шәһәр башлыгы. «Безнең подряд оешмаларында 600 берәмлеккә якын техника әзерләнде, - диде ул. - Бүген без 21 млн квадрат метр мәйданга кадәр юлларны чистартабыз. Аларның озынлыгын карасаң, бу 1900 чакрымнан артык - Казаннан Варшавага кадәр ара. Ягъни, кар яуганнан соң, без шәһәребездән Польшага кадәр арага тигез булган мәйданны тиз арада чистартырга тиеш».

21 млн кв. метрдан 4 млн кв. м диярлек тротуарларга туры килә, ә калганы - юлларга, дип өстәде И.Метшин. Беренче категория юллар кар яуганнан соң бер тәүлек эчендә чистартылырга тиеш, дип искәртте шәһәр башлыгы. «Быел подрядчыларыбыз безне уңайсыз хәлгә куймаслар дип ышанам», - дип билгеләде Мэр.

Махсус техника паркы кышкы сезонга яңартылды. Быел Казанда республика бюджеты акчасына 65 млн сумга 41 КАМАЗ ремонтланды, дип сөйләде Мэрга Казан Башкарма комитеты җитәкчесе урынбасары - Тышкы төзекләндерү комитеты рәисе Игорь Куляжев. Ике ел эчендә барлыгы 196 млн. сумга 131 КАМАЗ капиталь ремонтланды.

Кар җыю машиналарында тәҗрибәле хезмәткәрләр эшләячәк, бүгенге көндә төзекләндерү объектларын карап тоту предприятиеләрендә 1,7 меңнән артык кеше эшли.

«Городское благоустройство» муниципаль унитар предприятиесе автопаркында 138 берәмлек техника бар, шуларның 104 берәмлеге кышкы җыештыру өчен, шул исәптән 26-сы - катнаш юл машиналары. Предприятие Авиатөзелеш һәм Яңа Савин районнары территориясендәге юлларны карап тоту буенча генераль подрядчы булып тора, җыештырыла торган территориянең мәйданы - 4,17 млн кв. м. Шәһәр башлыгына «Городское благоустройство» муниципаль унитар предприятиесе директоры Камил Закиров сөйләвенчә, быел предприятие 4 берәмлек техника сатып алган, шул исәптән юлларны карап тоту өчен бер төягеч.

«Быел 7 КАМАЗ ремонтланды, ә ике ел эчендә - 17, - дип хәбәр итте К.Закиров. - Тулаем алганда, автопарк кышкы чорда эшләргә тулысынча әзер».

Предприятиедә 120 юл эшчесе һәм 104 машина йөртүче һәм механизатор эшкә урнаштырылган. И.Метшин кар чистарту машиналарын йөртүчеләр белән аралашты һәм аларга алдагы кышта уңышлы эшләүләрен теләде.

Кышкы чорга Казанда 85 мең тонна бозлавыкка каршы материал әзерләнгән, шул исәптән 75 мең тонна ком-тоз катнашмасы һәм 10 мең тонна ике фазалы реагент.

Татарстан башкаласында карны утильләштерү өчен 6 кар эретү пункты әзерләнгән. Ә декабрьгә Гадел Кутуй урамында яңа, җиденче кар эрү пунктын файдалануга тапшыру планлаштырыла. Аның җитештерүчәнлеге тәүлегенә 3600 кубометр кар тәшкил итәчәк, уртача кар яву вакытында бу шәһәрдә вакытлы чүплекләрдән файдаланмыйча карны тулысынча утильләштерергә мөмкинлек бирәчәк. Көчле кар яву очрагына өстәмә рәвештә кар өеп тору өчен 8 урын әзерләнгән.

Исегезгә төшерәбез, юлларны карап тоту эшләрен 2020 ел ахырына кадәр шартнамәчел йөкләмәләре булган 4 подрядчы оешма башкара. 2021 елга подрядчы оешмалар бу елның декабрендә конкурс процедуралары нәтиҗәләре буенча билгеләнәчәк. Тротуар һәм җәяүлеләр урамнарын җыештыруда уртача 600 юл эшчесен һәм 90 берәмлектән артык кече механизация техникасын эшкә җәлеп итү планлаштырыла.

]]>
Wed, 28 Oct 2020 11:17:29 +0300
<![CDATA[29 октябрьдә Казан телеманарасы кызыл төскә буялачак]]> https://kzn.ru/meriya/press-tsentr/novosti/29-oktyabrya-kazanskaya-telebashnya-okrasitsya-v-krasnyy-tsvet/ (Казан шәһәре KZN.RU, 28-нче октябрь). 29-нчы октябрь көнне Бөтендөнья инсультка каршы көрәш көне үткәрелә. Ел саен бу көнне Россия кардиология җәмгыяте «Кызылдан киен!» акциясен үткәрә. Әлеге акциягә ярдәм йөзеннән, Россиянең күп шәһәрләрендә, шул исәптән Казанда да, телеманаралар кызыл төскә буялачак.

Казан телеманарасында кызыл фонда «кабынган йөрәкне» Татарстан халкы һәм кунаклары 18.00 сәгатьтән 22.00 сәгатькә кадәр күрә алачак, дип хәбәр итә ТР Саннар министрлыгы матбугат хезмәте. Телеманараның биеклеге 180 метр, светодиодлы лампаларның гомуми саны - 4608.

«Кызылдан киен!» акциясе җәмәгатьчелек игътибарын йөрәк-кан тамырлары авыруларыннан үлү очракларының югары булу проблемасына җәлеп итү һәм аларны профилактикалау чаралары турында хәбәрдарлыкны арттыру максатыннан үткәрелә. Кызыл төс - йөрәк-кан тамырлары авырулары санының бик тиз үсүе белән бәйле килеп туган борчылу символы.

Инсульт кешенең үлеменә һәм инвалидлыгына китерә торган иң еш сәбәпләр исемлегендә икенче урында тора. Медицина статистикасы мәгълүматлары буенча, инсульт кичергән кешеләрнең 8%-ы гына нормаль тормышка кайта ала, 20% тирәсе мөстәкыйль йөри алмый, ә 30%-тан артыгы аерым тәрбиягә һәм якыннарының ярдәменә мохтаҗ.

Бөтендөнья инсульт белән көрәш көне 40-тан артык илдә уздырыла. Моның башлангычы 2004 елда, Бөтендөнья сәламәтлек саклау оешмасы тарафыннан әлеге авыру эпидемиягә тигезләнгән вакытта салынган, шуңа бәйле рәвештә 2006 елда Бөтендөнья инсульт белән көрәш оешмасы барлыкка килгән һәм бу көн гамәлгә куелган.

]]>
Wed, 28 Oct 2020 11:03:23 +0300
<![CDATA[«Ак Барс» «Нефтехимик»ны Татарстан дербиенда җиңде]]> https://kzn.ru/meriya/press-tsentr/novosti/ak-bars-obygral-neftekhimik-v-tatarstanskom-derbi/ (Казан шәһәре KZN.RU, 28-нче октябрь). «Ак Барс» «Нефтехимик»ны Татарстан дербиенда җиңде. «Татнефть Арена»да узган матч 3:2 исәбе белән тәмамланды.

Казанлылар исәпне беренче периодта ачтылар - «Нефтехимик» капкасына алканы Стефан Да Коста кертте. Икенче егерме минутлык башында Түбән Камлылар исәпне тигезләде: Рафаэль Бикмуллин үзен күрсәтә алды. Тиздән кунаклар тиз арада ясалган контратакадан соң алга чыктылар - голны Александр Осипов кертте. Икенче тәнәфес алдыннан Найджел Доусның төгәл ыргытуы нәтиҗәсендә «Ак Барс» исәпне тигезли алды. Казанлыларга җиңүне Доусның тагын бер голы алып килде.

«Ак Барс» 30-нчы октябрьдә үзенең киләсе матчын «Себер» командасына каршы уздырачак, 19.00 сәгатьтә уен башланачак, дип хәбәр итә Татарстан хоккей клубы матбугат хезмәте.

]]>
Wed, 28 Oct 2020 10:13:12 +0300
<![CDATA[ТР Милли музее һәм аның филиаллары «Сәнгать төне» Бөтенроссия акциясенә кушылачак]]> https://kzn.ru/meriya/press-tsentr/novosti/natsmuzey-rt-i-ego-filialy-prisoedinyatsya-k-vserossiyskoy-aktsii-noch-iskusstv/ (Казан шәһәре KZN.RU, 28-нче октябрь). 3-нче ноябрьдә ТР Милли музее һәм аның филиаллары «Сәнгать төне» Бөтенроссия акциясендә катнашачак. Быел чаралар музейларның үзләрендә дә, онлайн-форматта да узачак. Программа 12.00 сәгатьтән 18.00 сәгатькә кадәр планлаштырыла.

ТР Милли музеенда балалар өчен махсус көнлек программа әзерләнгән. 12.00 сәгатьтә «Скрипичный ключ, или Как зарождалось музыка» музей дәресе була. Музей-белем бирү үзәгендә балаларны балчык эшләнмәләре һәм курчак-саклагычлар ясау, агачка рәсемнәр төшерү буенча мастер-класслар көтә. Казанның Идел буе районы балалар сәнгать мәктәбе укучылары кунакларга «Күңел көе» дигән концерт программасы тәкъдим итәчәкләр, төрле музыка коралларында танылган әсәрләр башкарылачак. «Эсмира» көнчыгыш биюе студиясе «Чикләрсез биюләр» концертын куячак, шулай ук студия җитәкчесеннән мастер-класс узачак. «Ханоль» корея бию ансамбле җилгәргечле дәртле биюләр күрсәтәчәк.

Музей кинотеатры «Балалар альманахы» циклыннан фильмнар - кыска метражлы картиналар карарга тәкъдим итә.

Балалар программасының азагында «Татармультфильм» студиясенең мультфильмнарын - «Стрела наследия-2», «Век Татарстана-3» һәм «Сабантуй» (1-6-нчы чыгарылышлар) күрсәтү булачак. Алар мавыктыргыч формада республика һәм татар халкының тарихы һәм мәдәнияте турында сөйлиләр.

Кунаклар шулай ук музейның «Борынгы заманнардан алып безнең көннәргә кадәр Татарстан тарихы»дип аталган яңа экспозициясе буенча театральләштерелгән экскурсиядә була алачак.

«Татарстанда импрессионизм традициясе» күргәзмәсендә танылган Казан рәссамы Миля Нуруллинаның рәсем сәнгате буенча «Син - рәссам. Биредә һәм хәзер» мастер-классы узачак.

«Сәнгать төне» программасын музей кинотеатры «Кире» фильмын күрсәтү белән тәмамлый.

ТР Милли музее филиалларында шулай ук төрле чаралар узачак. Социаль челтәрләрдә махсус программа әзерләнәчәк. Тарихны яратучыларга «Казанский край: воеводство – губерния» тематик онлайн-экскурсиясен тәкъдим итәчәкләр. Ә кул эшләрен яратучылар өчен «Сластена для телефона» мастер-классы узачак.

Шулай ук «Волжский путь из варяг в персы» музей онлайн-уены планлаштырылган. Виртуаль программаны «Минхаузен» Казан кавер-төркеменең «Листья жгут» акустик концерты тәмамлый, дип хәбәр итә ТР Милли музее матбугат хезмәте.

Программа тулысы белән музейның рәсми сайтында тәкъдим ителде.

]]>
Wed, 28 Oct 2020 09:45:01 +0300
<![CDATA[Республика халкын ЮХИДИнең теркәү-имтихан бүлекчәсендә вакытлыча гадәти чират буенча кабул итәләр]]> https://kzn.ru/meriya/press-tsentr/novosti/zhiteley-rt-v-registratsionno-ekzamenatsionnykh-podrazdeleniya-gibdd-vremenno-prinimayut-po-zhivoy-o/ (Казан шәһәре KZN.RU, 27-нче октябрь). Татарстанда ЮХИДИнең теркәү-имтихан бүлекчәләрендә гражданнарны кабул итү тәртибе вакытлыча үзгәрде. Хәзерге вакытта техник сәбәпләр аркасында дәүләт һәм муниципаль хезмәтләрнең бердәм порталы аша Дәүләт автоинспекциясе линиясе буенча заявкалар һәм документлар җибәрү кыенлашкан. Шуңа бәйле рәвештә гражданнарны кабул итү гадәти чират тәртибендә гамәлгә ашырыла.

Санитар-эпидемиологик хәлне исәпкә алып, Дәүләт автоинспекциясе бүлекчәләрендә кабул итү коронавирус инфекциясен таратуга каршы юнәлдерелгән барлык чараларны үтәп башкарылачак, дип хәбәр итә ТР буенча Эчке эшләр министрлыгының ЮХИДИ идарәсе матбугат хезмәте.

Теркәү-имтихан бүлекчәләренең режимнары һәм эш шартлары турында мәгълүмат Россия Эчке эшләр министрлыгы Дәүләт автоинспекциясенең рәсми сайтында һәм Татарстан Республикасы буенча Эчке эшләр министрлыгының территориаль органнарының рәсми сайтларында урнаштырылган. Кабул итү соңгы мөрәҗәгать иткән гражданинга кадәр башкарылачак.

Дәүләт хезмәтләренең бердәм порталы аша беренчел язылу буенча гражданнарны кабул итү техник төзексезлекләрен бетерү эшләре тәмамлангач яңадан торгызылачак.

 

]]>
Tue, 27 Oct 2020 16:47:19 +0300
<![CDATA[Казанда җәмәгать транспортында чираттагы рейд барышында меңнән артык битлек режимын бозучыны ачыкладылар]]> https://kzn.ru/meriya/press-tsentr/novosti/bolee-tysyachi-narushiteley-masochnogo-rezhima-vyyavili-v-kazani-v-khode-ocherednogo-reyda-v-obshche/ (Казан шәһәре KZN.RU, 27-нче октябрь). Кичә чираттагы рейд барышында Казанның җәмәгать транспорты экипажлары һәм пассажирлары тарафыннан битлек режимы үтәлеше буенча 1087 закон бозучы ачыкланды.

Автобусларда, трамвайларда, троллейбусларда һәм метрода тикшерүне Казан транспорт комитеты хезмәткәрләре, «Пассажирлар ташу оешмасы» муниципаль казна учреждениесенең контроль-ревизор хезмәте, транспорт предприятиеләренең контроль-ревизор хезмәтләре үткәрә.

Профилактик рейд 28 шәһәр тукталышында узды, барлыгы 794 җәмәгать транспорты берәмлеге тикшерелде. Рейд нәтиҗәсендә тикшерүчеләр битлексез 1087 пассажирны ачыклаган. Шуларның 1060-ы кисәтүдән соң шундук шәхси саклану чараларын кигән, 27 кеше битлеклекләре булмау сәбәпле җәмәгать транспортыннан төшеп калган.

Рейдлар дәвам итәчәк, дип хәбәр ителә Казанның транспорт сайтында.

]]>
Tue, 27 Oct 2020 15:38:16 +0300
<![CDATA[Казанда автобусларны көзге-кышкы чорга әзерләү эшләре төгәлләнеп килә]]> https://kzn.ru/meriya/press-tsentr/novosti/v-kazani-zavershaetsya-podgotovka-avtobusov-k-rabote-v-osenne-zimniy-period/ (Казан шәһәре KZN.RU, 27-нче октябрь). Атна ахырына Казанда автобусларны көзге-кышкы чорга әзерләү эшләре тәмамланачак. Автотранспорт предприятиеләренең техник хезмәте җылылык системасын, ишекләрне тыгызлаучыларның герметиклыгын тикшерә, диагностик контроль үткәрә.

Шәһәр автотранспорт предприятиеләрендә көзге-кышкы чорга эзерлек эшләре ел саен уздырыла. «ПАТП-4» муниципаль унитар предприятиесе күчмә составның әзерлеге 95% дип бәяләнә. Тагын 20 автобуска диагностика үткәрәсе калды, дип хәбәр итте предприятие директоры Айрат Исхаков. Техник хезмәт җылыткычларга ревизия ясый, автобусларның тормоз системасын тикшерә. Белгечләр радиаторларны үткәрү сәләтен тикшерә, вентиляторларның барлык электр приборларын карый. Кирәк булганда автобусларда патрубкаларны һәм җылыту системасының суыту сыеклыгын алыштыру башкарыла. Җибәрү алды җылыткычларын җибәрү-көйләү эшләре бара.

«ПАТП-2» муниципаль унитар предприятиесендә автобусларны көзге-кышкы чорга әзерләү эшләре узган атнада ук төгәлләнде, дип билгеләп үтте предприятие директоры Альберт Мөхәммәтшин. Автобусларда инде 2-3 ел эшләүче җылыткычлар яңаларына алыштырылды.

55-нче маршрутка хезмәт күрсәтә торган автобуслар шулай ук кышка әзер, дип сөйләде «УМ-4» ҖЧҖ директоры Рөстәм Гәрәев. Ревизия вакытында өч автобуста радиаторларның төзексезлеге ачыкланган, яңа җылыткычлар урнаштырылган.

Пассажирлар соравы буенча узган ел автобусларда өстәмә мичләр урнаштырылган иде, дип искә төшерделәр транспорт буенча комитетта. Яңа мичләр урта ишек янына куелды. Салонның бу өлешендә кыш көне салкыная, дип билгеләп үттеләр пассажирлар.

Автобусларны әзерләү белән бергә көзге-кышкы чорда җәмәгать транспорты экипажлары белән эшләү буенча өстәмә инструктажлар үткәрелә.

]]>
Tue, 27 Oct 2020 14:56:28 +0300
<![CDATA[И.Метшин: «Без йортларны капиталь төзекләндерүгә сарыф иткән акчаларны халык 150 ел җыяр иде»]]> https://kzn.ru/meriya/press-tsentr/novosti/i-metshin-dengi-kotorye-my-potratili-na-kapremont-doma-zhiteli-sobirali-by-150-let/ (Казан шәһәре KZN.RU, 27-нче октябрь, Алинә Бережная). Казанның Совет районында Патрис Лумумба урамы, 46 адресы буенча урнашкан аз катлы күп фатирлы йортларга капиталь ремонт эшләре төгәлләнеп килә. Эшләр 99%-ка үтәлгән – түбәсе, инженерлык коммуникацияләре тулысынча алыштырылган, бинаның фасады һәм подъездлары ремонтланган. Бүген Казан Мэры Илсур Метшин ремонт эшләре барышы белән танышты.

Совет районы үзәгендә урнашкан Патрис Лумумба урамындагы ике катлы өч подъездлы йорт 1937 елда аэропорт хезмәткәрләре өчен төзелгән. Хәзер биредә 50 кеше яши. Торак-коммуналь хуҗалык комитеты рәисе Дмитрий Анисимов сүзләренә караганда, өйдә капиталь ремонт беркайчан да булмаган, агымдагы эшләр генә башкарылган. «Бу шәһәр чите иде, мин бу йортны, чын аю почмагын – тирә-яктагы сарайларны, төзекләндерелмәгән территорияне яхшы хәтерлим», – дип уртаклашты Казан Мэры Илсур Метшин.

Бүген йорт танымаслык булып үзгәргән – капиталь ремонт барышында биредә түбә, фасад төзекләндерелгән, инженерлык коммуникацияләрен алыштырганнар, подъездларны тәртипкә китергәннәр, электр белән тәэмин итү системасын яңартканнар. «Без финишта, хәзерге вакытта эшләр 99%-ка үтәлгән – берничә нюанс калып бара, атна ахырына барысы да тәмамланачак», – дип сөйләде шәһәр Мэрына Дмитрий Анисимов.

Йорт үзе генә үзгәрмәде – аның халкы яңа ишегалдылы булды. «Безнең ишегалды» республика программасы буенча биредә машина юлларын ремонтладылар, тротуарларны төзекләндерделәр, яктырткычларны алыштырдылар, чүп-чарны аерып җыю өчен контейнер мәйданчыклары урнаштырдылар. Ноябрь башында ишегалдында уен мәйданчыгы һәм воркаут белән шөгыльләнү өчен зона барлыкка киләчәк, ә территориянең бизәге граффити булачак.

«Менә шундый озак көтелгән объектлар килеп чыга, – дип билгеләде Илсур Метшин. – Без йортларны капиталь төзекләндерүгә сарыф иткән акчаларны халык 150 ел җыяр иде. Торак фондын реновацияләү турында карар кабул иткән республика Хөкүмәтенә һәм, әлбәттә, Татарстан Республикасы Президенты Рөстәм Миңнехановка ишегалларын капиталь ремонтлау программасы өчен рәхмәт».

Исегезгә төшерәбез, шәһәрнең торак фондын капиталь ремонтлауга инвестицияләр быел 2,26 млрд сумны тәшкил итте, бу республика һәм җирле бюджет, шулай ук йорт милекчеләре акчалары. Азкатлы йортларны ремонтлауга күбрәк акча таләп ителгән сәбәпләрнең берсе – мондый йортларда яшәүче милекчеләрнең аз булуы.

Җирле халык та яңа йорт һәм ишегалды белән соклана. Шуларның берсе – 73 яшьлек Валентина Макеева. Аның сүзләренчә, капремонт аның барлык күршеләре өчен көтелгән вакыйга булган. «Монда әле аэропортта эшләгән минем әти-әнием яшәде. Хәзер йорт бөтенләй башка, аны танып булмый, ә ишегалдында балалар йөриячәк, алар бездә аз яшәми», – дип сөйләде Казан Мэрына Валентина Макеева. Ул капиталь ремонт вакытында гомуми кулланылыштагы урыннардагы түбәләрне алыштыру вакытында түшәмгә зыян килүен билгеләп үтте. Җитешсезлекләрне халык үзе бетерергә тиеш, әмма генподрядчы оешма барлык чыгымнарны үз өстенә алды.

«Күпме елдан соң халык капиталь ремонтны гына түгел, ишегалдын төзекләндерүне дә көтте. Торак фондын капиталь ремонтлау программасы быел 278 йортны колачлады. Казанлыларның күптәнге хыялы азкатлы йортларны ремонтлау иде. Бу без омтылган үзәкме, шәһәр читеме ул, барысы да ТР башкаласына лаеклы булырга тиеш», – диде шәһәр башлыгы.

Казанда барлыгы 1064 ике, өч һәм дүрт катлы йортлар бар, шуларның 516-сы инде ремонтланган. Быел тагын 65 азкатлы йортта капиталь ремонт эшләре төгәлләнәчәк, шул исәптән 41 ике катлы күпфатирлы йортта. Киләсе елга 45 объектны ремонтлау планлаштырыла.

]]>
Tue, 27 Oct 2020 14:23:52 +0300
<![CDATA[Казан мэриясе Людмила Андрееваның тирән кайгысын уртаклаша]]> https://kzn.ru/meriya/press-tsentr/novosti/meriya-kazani-vyrazhaet-soboleznovaniya-lyudmile-andreevoy/ (Казан шәһәре KZN.RU, 27-нче октябрь). Казан мэриясе, Андреев Геннадий Егоровичның вафаты сәбәпле, тормыш иптәше – Казан шәһәр Думасы депутаты Людмила Андрееваның тирән кайгысын уртаклаша. ]]> Tue, 27 Oct 2020 14:21:03 +0300 <![CDATA[Кадастр палатасы һәм Татарстан Росреестры республика халкы сорауларына җавап бирәчәк]]> https://kzn.ru/meriya/press-tsentr/novosti/kadastrovaya-palata-i-rosreestr-tatarstana-provedut-goryachuyu-liniyu-dlya-zhiteley-respubliki/ (Казан шәһәре KZN.RU, 27-нче октябрь). Кадастр палатасы һәм Татарстан Росреестры республика халкы өчен кайнар линия уздырачак.

Татарстанлылар күчемсез мөлкәтне дәүләт кадастр исәбенә алу һәм күчемсез милеккә хокукларны теркәү, җир кишәрлекләрен исәпкә алу һәм кую, Бердәм дәүләт күчемсез мөлкәт реестрыннан белешмәләр бирү мәсьәләләре буенча консультация ала алачак.

Халыкка әлеге процедуралар өчен нинди документлар кирәклеге, җир участогыннан рөхсәт ителгән файдалану төрен ничек үзгәртү һәм үз участогыңны законсыз килешүләрдән ничек саклау турында, хәзерге вакытта торак һәм бакча йортлары ничек рәсмиләштерелүе, күчемсез милекне сатып алганда нәрсәгә игътибар итәргә кирәклеге турында сөйләячәкләр.

Шалтыратулар 29-нчы октябрьдә 10.00-нан 12.00-гә кадәр кайнар линия телефоны буенча кабул ителәчәк: +7(843)255-25-71, дип хәбәр итә ТР буенча Росреестр идарәсенең матбугат хезмәте.

 

]]>
Tue, 27 Oct 2020 13:00:14 +0300
<![CDATA[3 ноябрьдән 6 ноябрьгә кадәр Казанда «Минем документлар» офисларының эш графигы үзгәрәчәк]]> https://kzn.ru/meriya/press-tsentr/novosti/s-3-po-6-noyabrya-v-kazani-izmenitsya-grafik-raboty-ofisov-moi-dokumenty/ (Казан шәһәре KZN.RU, 27-нче октябрь). Казанда 3-нче ноябрьдән 6-нчы ноябрьгә кадәр күп функцияле үзәкләрнең эш графигы үзгәрәчәк. Исегезгә төшерәбез, Халыклар бердәмлеге көнен һәм Татарстан Конституциясе көнен бәйрәм итү уңаеннан 4-нче һәм 6-нчы ноябрь республикада ял көннәре булып санала. 

3-нче ноябрьдә «Минем документлар»ның барлык офисларында эш көне бер сәгатькә кыскартылачак. Шулай итеп, «Зареченский», «Яңа Савин», «Мәскәү», «Южный», «Совет», «Дәрвишләр», «Юдино», «Авиатөзелеш» бүлекләре 8.00-дән 17.00 сәгатькә кадәр эшләячәк. «Идел буе» бүлеге, «Идел буе» бүлегенең өстәмә офисы (В.Кулагин ур., 1) һәм «Салават күпере» торак комплексындагы бүлек 8.00-дән 19.00 сәгатькә кадәр ачык булачак.

Шулай ук 5-нче ноябрьдә дә «Минем документлар» офисларында эш көне бер сәгатькә кыскартылачак. «Мәскәү», «Южный», «Совет», «Дәрвишләр», «Юдино», «Авиатөзелеш», «Идел буе» бүлекләре, «Идел буе» бүлегенең өстәмә офисы (В.Кулагин ур., 1) һәм «Салават күпере» торак комплексындагы бүлек 8.00-дән 17.00 гә кадәр эшләячәк. «Зареченский» һәм «Яңа Савин» бүлекләренә казанлылар 8.00-дән 19.00 сәгатькә кадәр килә алачак.

4-нче һәм 6-нчы ноябрь ял көннәре булачак, дип хәбәр ителә «Минем документлар» дәүләт һәм муниципаль хезмәтләрнең рәсми интернет-порталында.

]]>
Tue, 27 Oct 2020 12:40:10 +0300
<![CDATA[Кулланучылар хокукларын яклау һәм кеше иминлеге өлкәсендә күзәтчелек федераль хезмәте илнең барлык халкын җәмәгать транспортында, таксида, парковкаларда һәм лифтларда битлек киеп йөрергә мәҗбүр итә]]> https://kzn.ru/meriya/press-tsentr/novosti/rospotrebnadzor-obyazal-vsekh-zhiteley-strany-nosit-maski-v-obshchestvennom-transporte-taksi-na-park/ (Казан шәһәре KZN.RU, 27-нче октябрь). Кулланучылар хокукларын яклау һәм кеше иминлеге өлкәсендә күзәтчелек федераль хезмәте Россия территориясендә яшәүчеләрнең барысын да сулыш органнарын саклау өчен җәмәгать транспортында, таксида, парковкаларда, лифтларда битлек киеп йөрергә мәҗбүр итте. ОРВИ белән авыручыларның сезонлы күтәрелеше чорында СОVID-19 таралу куркынычын киметү буенча өстәмә чаралар турындагы карар 28-нче октябрьдә үз көченә керәчәк. 

Моннан тыш, субъектлар башлыкларына, санитар-эпидемиологик вәзгыятьтән чыгып, тамаша-күңел ачу чараларын үткәрүне һәм 23.00 сәгатьтән 6.00 сәгатькә кадәр җәмәгать туклануы хезмәтләрен күрсәтүне тыярга киңәш ителә. Шулай ук Кулланучылар хокукларын яклау һәм кеше иминлеге өлкәсендә күзәтчелек федераль хезмәте җәмәгать транспортында, таксида, кешеләр күпләп була торган урыннарда, аерым алганда, сәүдә объектларында, җәмәгать туклануы объектларында, театр-тамаша, мәдәни-агарту чаралары үткәрү урыннарында дезинфекцияне көчәйтергә чакыра.

Яңа карар нигезендә төбәкләргә лаборатор тикшеренүләрне 100 мең кешегә кимендә 150 тест (уртача тәүлеккә 7 көн) колачлау дәрәҗәсен тәэмин итәргә кирәк.

Исегезгә төшерәбез, Россиядә бер тәүлек эчендә коронавирус белән авыруның 16 мең 550 очрагы теркәлгән. Татарстанда СОVID-19 белән зарарлануның 45 яңа очрагы теркәлгән. 

 

]]>
Tue, 27 Oct 2020 12:23:11 +0300
<![CDATA[Казанның тагын 28 кешесендә коронавирус инфекциясе расланган]]> https://kzn.ru/meriya/press-tsentr/novosti/eshche-u-28-zhiteley-kazani-podtverdilas-koronavirusnaya-infektsiya/

 

Казан шәһәре KZN.RU, 27-нче октябрь). Татарстанда COVID-19 белән зарарлануның 45 яңа очрагы теркәлгән, барысы да контактта булу аша. 10 кеше хастаханәгә озатылган, 35 кеше өйләрендә дәвалана. 

Авыручылар арасында ике балигъ булмаган бала бар, 7 кеше – 18 яшьтән 30 яшькә кадәр, 14 кеше – 30 яшьтән 50 яшькә кадәр, 10 кеше – 50 яшьтән 60 яшькә кадәр, 7 кеше – 60 яшьтән 70 яшькә кадәр, 4 кеше – 70 яшьтән 80 яшькә кадәр, 1 кеше – 80 яшьтән 90 яшькә кадәр.

28 кеше – Казанда, 4 кеше – Яр Чаллыда, 3 кеше – Югары Ослан районында, 2 кеше – Питрәч районында, берәр кеше – Аксубай, Әлмәт, Апас, Буа, Кукмара, Нурлат, Саба һәм Тукай районнарында яши.

27-нче октябрьгә Татарстанда 8235 СОVID-19 йоктыру очрагы теркәлгән. Пандемиянең бөтен чорында 7096 кеше сәламәтләнде, шул исәптән узган тәүлектә 155 кеше, дип хәбәр итә ТР Сәламәтлек саклау министрлыгының матбугат хезмәте.

Федераль оператив штаб мәгълүматы буенча, Россиядә тәүлегенә 16 мең 550 авыру очрагы теркәлгән. Барлыгы илдә 1 млн 547 мең 774 кеше авырган, 1 млн 158 мең 940 кеше сәламәтләнгән, 26 мең 589 кеше үлгән.

]]>
Tue, 27 Oct 2020 11:50:44 +0300
<![CDATA[28 октябрьдә Казанда коррупциягә каршы көрәш мәсьәләләре буенча гражданнарны кабул итү узачак]]> https://kzn.ru/meriya/press-tsentr/novosti/28-oktyabrya-v-kazani-sostoitsya-priem-grazhdan-po-voprosam-protivodeystviya-korruptsii/

     

(Казан шәһәре KZN.RU, 27-нче октябрь). 28-нче октябрьдә Казанда Татарстан Республикасы Иҗтимагый палатасында коррупциягә каршы көрәш мәсьәләләре буенча гражданнарны кабул итү була.

Мөрәҗәгатьләр ТР Иҗтимагый палатасының интернет-кабул итү  28-нче октябрьгә кадәр һәм кайнар линия телефоны +7(800)350-44-72 буенча 10.00 сәгатьтән 14.00 сәгатькә кадәр кабул ителә.

Халык сорауларына ТР Иҗтимагый палатасының иҗтимагый контроль буенча комиссиясе әгъзалары, ТР буенча Эчке эшләр министрлыгының Икътисади куркынычсызлык һәм коррупциягә каршы тору идарәсе, ТР Президентының Коррупциягә каршы тору мәсьәләләре идарәсе хезмәткәрләре җавап бирәчәк.

ТР Иҗтимагый палатасы хәбәр иткәнчә, гражданнарны кабул итү 10.00-14.00 сәгатьләрдә Батурин урамы, 7 йорт (136 бүлмә) адресы буенча булачак.

 

]]>
Tue, 27 Oct 2020 11:19:17 +0300
<![CDATA[Казанлылар «За пределами» халыкара тарихи квестында катнаша алачак]]> https://kzn.ru/meriya/press-tsentr/novosti/kazantsy-smogut-prinyat-uchastie-v-mezhdunarodnom-istoricheskom-kveste-za-predelami/

(Казан шәһәре KZN.RU, 27-нче октябрь). 21-нче ноябрьдә Нюрнберг процессының 75 еллыгына багышланган «За пределами» халыкара тарихи квесты була. Квест интерактив команда уеныннан гыйбарәт, анда катнашучылар бер сюжет линиясе белән бәйле биремнәрне үти. Сценарий һәм биремнәр тарихи фактларга, ветераннар истәлекләренә һәм архив документларына нигезләнгән.

Уенчылар массакүләм мәгълүмат чараларында фальсификация материаллары барлыкка килүне булдырмый калырга тиешле халыкара журналист берлеге әгъзалары ролендә чыгыш ясаячак.

Уен сценарийлары 1939 елның 1-нче сентябреннән 1946 елның 1-нче октябренә кадәр – Икенче бөтендөнья сугышы башланганнан алып Нюрнберг процессында төп хәрби җинаятьчеләргә хөкем карары чыгаруга кадәр чорны колачлый. Квест үзара логик бәйләнештәге җиде этаптан тора һәм профессиональ алып баручы катнашында туры эфир белән озатыла.

Һәр этап берничә компоненттан тора: тарихи видеобелешмә, хәзерге вакытта яшәүче шаһит видеоязмасы һәм квест соравы.

Уенга кушылыр өчен интернетка һәм теләсә кайсы уңайлы платформадагы команда чатына тотрыклы керү кирәк. Уенда 2-6 кешедән торган команда, шул исәптән капитанны кертеп, катнаша ала. 21-нче ноябрьдә командалар трансляцияне YouTube видеохостингында караячак, ә капитан уен сайтында җаваплар кертә алачак.

Шулай ук шәхси катнашуга теркәлергә һәм квестны үткәрү көнендә уен сайтында бирелгән сорауларга җаваплар кертергә мөмкин. Уен башланганчы команданы telegram-каналда @ BeyondTheLimitsQuest тупларга мөмкин.

Тизлеккә һәм җавапларның дөреслегенә бәйле рәвештә иң күп балл җыйган команда яки шәхси катнашучы җиңә. Уен 60 минуттан 90 минутка кадәр дәвам итәчәк. Төп приз – Россиянең бер шәһәренә бушлай сәяхәт, дип хәбәр итә оештыручылар.

Квест башлану 15.00 сәгатькә планлаштырылган, тулырак мәгълүмат белер өчен һәм уенда катнашу өчен сайтта теркәлергә кирәк.

]]>
Tue, 27 Oct 2020 10:45:58 +0300
<![CDATA[Казан – Паратск юнәлешендәге шәһәр яны поезды хәрәкәте яңартыла]]> https://kzn.ru/meriya/press-tsentr/novosti/prigorodnyy-poezd-soobshcheniem-kazan-paratsk-vozobnovlyaet-kursirovanie/  (Казан шәһәре KZN.RU, 27-нче октябрь). 1-нче ноябрьдән 6321 нче номерлы шәһәр яны поезды Казан – Паратск юнәлеше буенча яңадан хәрәкәт итә башлый.

Казан станциясеннән электричка 5.49 сәгатьтә китәчәк, Паратск станциясенә килү 7.02 сәгатькә планлаштырылган, дип хәбәр ителә ТР Транспорт һәм юл хуҗалыгы министрлыгы сайтында.

Шәһәр яны поездлары расписаниесе турында тулырак мәгълүматны тәүлек әйләнәсе телефоны: +7(937)625-04-33, шулай ук «Пригород» һәм «РЖД Пассажирам» мобиль кушымталарында алырга мөмкин.

 

]]>
Tue, 27 Oct 2020 10:14:07 +0300
<![CDATA[Казанда инвалидлыгы булган кешеләрне эшкә урнаштыру мәсьәләләре буенча юридик консультация узачак]]> https://kzn.ru/meriya/press-tsentr/novosti/v-kazani-proydet-yuridicheskaya-konsultatsiya-po-voprosam-trudoustroystva-lyudey-s-invalidnostyu/ (Казан шәһәре KZN.RU, 27-нче октябрь). Казанда «Игелекле эшләр көне» хәйрия фондының юридик хезмәте эшләвен дәвам итә. 29-нчы октябрьдә юристлар гражданнарны бушлай кабул итәчәкләр һәм инвалидлыгы булган кешеләрне эшкә урнаштыру мәсьәләләре буенча консультацияләр бирәчәкләр.

Ун елдан артык эшләгән белгеч Илдар Кыямов закон нормалары, хезмәт шартлары, хезмәткәрнең һәм эш бирүченең җаваплылыгы һәм башка нюанслар турында сөйләячәк, шулай ук очрашуда катнашучыларның сорауларына җавап бирәчәк.

Гражданнарны кабул итү 10.00 сәгатьтән 12.00 сәгатькә кадәр Калинин урамы, 3 («Яхшы куллар» хәйрия склады) адресы буенча узачак. Катнашу өчен телефоны +7(843)236-65-61 буенча язылырга кирәк. Фондка килгәндә битлектән булу мәҗбүри.

2019 ел башына эшкә яраклы инвалид булган кешеләрне эшкә урнаштыру дәрәҗәсе, уртача Россия күрсәткече 26% булганда, Татарстанда 31%-ны тәшкил иткән, дип хәбәр итә «Игелекле эшләр көне» хәйрия фонды матбугат хезмәте.

Исегезгә төшерәбез, фондта шәһәр мәгариф үзәге белән берлектә Президент грантлары фонды ярдәмендә «Инвалид кешеләр һәм аларны озатып йөрүче остазлар өчен «Артель» профориентация укыту-стажировка үзәге» проекты гамәлгә ашырыла. Ул «Мануфактура. Инвалидлыгы булган кешеләр өчен һөнәри үзбилгеләнү территориясе» проектының дәвамы булды. Проект кысаларында мөмкинлекләре чикле кешеләрне милли сувенирлар тегү һәм текстильне сәнгатьчә бизәүгә өйрәтәләр. Быел катнашучылар өчен өстәмә юнәлешләр барлыкка килде: чүлмәк ясау һөнәрчелеге, гамәли IT-технологияләр, сувенирлар өчен упаковка, остазлык.

]]>
Tue, 27 Oct 2020 09:49:14 +0300
<![CDATA[Каклаган ит, контрафакт һәм «шпион» техникасы – таможня нәрсәгә ризалык бирми]]> https://kzn.ru/meriya/press-tsentr/novosti/vyalenoe-myaso-kontrafakt-i-shpionskaya-tekhnika-na-chto-tamozhnya-ne-daet-dobro/  (Казан шәһәре KZN.RU, 27-нче октябрь, Алинә Бережная). 25-нче октябрьдә таможня хезмәте хезмәткәрләре үзләренең һөнәри бәйрәмнәрен билгеләп үттеләр. Хәтта бу көнне дә ил чикләрен саклаучыларга хезмәт итүне дәвам итәргә кирәк. Тәүлегенә Казан почта таможнясы посты аша уртача 35-50 мең халыкара посылка уза. Ел башыннан гына да 5 мең берәмлек контрафакт продукция кертү туктатылды. Чит илдән россиялеләр барыннан да ешрак нәрсә заказ бирүләре, посылкалар контроле ничек узуы һәм уйланылмаган онлайн-шопинг нәрсәгә китерергә мөмкин булуы турында KZN.RU порталы укучыларына Татарстан таможнясының Казан почта таможня посты башлыгы урынбасары Альмира Габидуллина сөйләде.

«Яңа ел алдыннан, 8-нче Март, 23-нче февральдә посылкалар саны 2 тапкырга арта»

Альмира Рәшид кызы, Казан почта таможня постының эше турында сөйләгез әле.

А.Г.: Почта постының функцияләре аның атамасына ук салынган. Без халыкара почта юлламаларының хәрәкәт итүен контрольдә тотабыз. Элек чит илдән посылкалар Мәскәүгә генә килә иде, ләкин елдан-ел ккилә торган товарлар артканнан-арта барды, һәм ил җитәкчелеге башка эре шәһәрләрдә логистик почта үзәкләрен ачу турында карар кабул итте. Хәзер мондый үзәкләр Новосибирск, Екатеринбург һ.б. да бар инде. Казан таможня почтасы посты 2018 елда Казан логистика үзәге базасында барлыкка килде. Шунысын да билгеләп үтәм, без Татарстан халкына гына түгел, башка регионнарга да, мәсәлән, Бурятиягә, Башкортстанга, Чувашиягә заказ биргән почта юлламаларын контрольдә тотабыз. Почта таможня постында эшләү кызыклы, күпкырлы. Кануннарны гына түгел, телләрне дә белергә кирәк, чөнки барлык товар үткәргеч документлар нигездә чит телдә язылган.

Көненә ничә посылка тикшерәсез? Кайсы илләрдән барыннан да ешрак почта җибәрүләре килә?

А.Г.: Уртача алганда бу тәүлегенә 35-50 мең посылка. Барысы да сезонга һәм алдагы бәйрәмнәргә бәйле. Мәсәлән, Яңа ел алдыннан, 8-нче Март, 23нче февральдә посылкалар саны 2 тапкырга арта. Карантин чикләүләре чорында җибәрүләр аз иде. Хәзер вәзгыять тотрыкланды.

Халыкара почта юлламалары ике төп категориягә бүленә – вак пакет һәм посылкалар. Шуларның беренчеләре ешрак Кытайдан килә. Ул аңлашыла да, бездә кешеләр популяр интернет-кибетләрдән товарларга заказ бирергә яраталар. Шулай ук вак пакетлар Гонконгтан, Сингапурдан килә, бу, кагыйдә буларак, техника – телефоннар, планшетлар. Эре посылкаларны җибәрүче – Германия. Монда, сценарий бертөрле диярлек – Европадан Россиягә төрле тәм-томнар, бүләкләр, әйберләр җибәрелә. Шулай ук посылкаларда еш кына Корея косметикасы килә.

Тәүлегенә 35-50 мең посылка – бу бик күп! Боларның барысын да ничек карап бетерергә соң?

А.Г.: Тикшерү рентген техникасы ярдәмендә. Аның эш принцибы якынча аэропорттагы кебек. Барлык вак пакетлар һәм посылкалар линияләргә салына һәм конвейерда ДРТ-җайланма аша уза. Монитор экранында без почта юлламасының эчендә нәрсә барлыгын күрәбез. Һәм хәтта теге яки бу предметның нинди материалдан ясалуын да идентификациялибез, мәсәлән, металл зәңгәр төс белән яктыртыла, органика – яшел, пластмасса – сары.

Быелның июненнән без үз эшебездә яңа технологияләр кулланабыз. Хәзер таможня контролен үткәрү барышында штат программалары ярдәмендә заказның нинди сайттан алынганын күрә алабыз. Күчерелә торган товар турындагы барлык мәгълүматлар таможня органнарының автоматлаштырылган мәгълүмат системасына эләгә, шул исәптән заказ бирелгән сайтка сылтама да. Сылтама аша, без халыкара почта юлламасында нинди товар икәнен һәм аның бәясен күрә алабыз. Бу Россия Федерациясе территориясенә кертү тыелган товарларны ачыклау бурычын бик җиңеләйтә.

Кастетлар, пычаклар, күсәкләр – посылкаларда иң популяр тыелган предметлар

Ә тыелган предметларга килгәндә, илгә ешрак нәрсәне законсыз рәвештә алып керергә тырышалар?

А.Г.: Тыелган товарлар исемлеге зур, иң популяр товарларга тукталам. Алар арасында кастетлар, пычаклар, күсәкләр һәм башка шуңа охшаш кораллар. Быел 145 шундый предметны экспертизага җибәрдек, ул аларның салкын коралга карауларын раслады.

Балыкчылык ятьмәләре популяр, ләкин барысы да түгел, ә нәкъ менә үз характеристикалары һәм параметрлары буенча ЕАЭС таможня территориясенә кертү тыелган су биологик ресурсларын тоту кораллары исемлегенә кергәннәр. Монда барысы да балык тоту ятьмәләренең зурлыгына, җеп диаметрына бәйле. Мисал өчен, җеп диаметры 0,5 мм дан һәм челтәр күзләренең зурлыгы 100 мм дан да кимрәк булган әзер балыкчылык ятьмәләрен Евразия икътисадый берлегенең таможня территориясенә кертү тыелган. Быел шундый 22 ятьмә табылды.

Шулай ук ручка, күзлек, лампа астына яшерелгән фото һәм видео яздыру җайланмаларын күчерүнең 19 очрагы ачыкланды. Тагын 4 посылкада үз составында көчле тәэсир итүче һәм психотроп матдәләр белән дару препаратлары бар иде. Сүз уңаеннан, үсемлек орлыклары да тыелган. Посылканың фитосанитар сертификаты булмаган очракта, ул җибәрүчегә кире кайтачак. Бу категория буенча без Россельхознадзор белән тыгыз элемтәдә торабыз.

Нәрсәнең ешрак ялган аналогларын ясыйлар?

А.Г.: Еш кына контрафакт товарлар билгеләренә ия булган Lego балалар конструкторын, «LOL» курчакларын ачыклыйбыз. Мондый товарларның күбесе Кытайдан килә. Товарда мондый билгеләр табылган очракта, без хокукка ия булган вәкилләргә хәбәр итәбез. Әгәр дә алар моны контрафакт дип таныса, без товарны кертүдән баш тартабыз, һәм посылка җибәрүчегә кире кайта. Шулай ук еш кына контрафакт булган популяр автомобиль значокларына, танылган фирмаларның исле майларына заказ бирәләр. Быел безнең тарафтан 5 мең берәмлектән артык контрафакт продукциясе ачыкланды.

Посылкаларда иң гадәти булмаган нәрсә табылды?

А.Г.: Хамон. Аны Европадан җибәргәннәр иде бугай. Бу тулы бер какланган ит боты иде. Ул шулкадәр матур төрелгән иде, ләкин, кызганычка каршы, алучыга барып җитмәде, чөнки мондый продукцияне халыкара посылкаларда җибәрергә ярамый. Моннан тыш, без посылкаларда борынгы тәңкәләрне, төрле илләрнең банкноталарын – алар инде бу дәүләтләрнең кулланылышыннан төшеп калган – үсемлекләрне – сирәк сортлы суккулентлар, Олимпиада кубогы репликаларын... очраттык.

Ә алкоголь... Аның буенча нинди дә булса чикләүләр бармы?

А.Г.: Юридик затлар тарафыннан алкоголь продукциясен җибәрү тыелган. Әгәр посылка физик зат адресына килсә, без аны, 18 яшь булуын исбатласын өчен, товар алу урыны буенча таможня органына хәбәрнамә белән җибәрәбез.

«Интернет аша нидер заказ ясаганда, иң минималь куркыныч – посылка алмау түгел, ә максималь күләмдә штраф алу»

Хокук бозучыларга нинди җәза бирәсез?

А.Г.: Без тыелган предмет билгеләрен генә ачыклыйбыз. Ахыргы сүз экспертизада кала. Һәр аерым очракта үз нечкәлекләре бар. Тыелган товарга заказ бирүнең алдан билгеләнгән факты ачыкланган очракта РФ КоАП 16.3 маддәсе буенча административ хокук бозу турында беркетмә төзелә, аның буенча санкция 1 меңнән 2 мең сумга кадәр административ штраф, ә посылка җибәрүчегә кире кайта.

Онлайн-сатып алулар башкарганда үзеңне ничек куркыныч астына куймаска?

А.Г.: Интернетта заказ биргәнче, җибәрүгә тыелган товарларны өйрәнергә кирәк. Әгәр шик бар икән, консультация өчен таможня органына мөрәҗәгать итү яки Евразия икътисадый комиссиясе һәм Федераль таможня хезмәтенең рәсми сайтларын карау яхшырак. Әгәр эксклюзив бренд әйберен сатып алу теләге бар икән, аңа махсус кибетләрнең интернет-мәйданчыкларында заказ бирергә кирәк. Интернет аша нидер заказ биргәндә, истә тотыгыз: иң минималь куркыныч – посылканы алмау, ә иң максималь куркыныч –административ эш кузгату һәм штраф.

 

]]>
Tue, 27 Oct 2020 09:08:41 +0300
<![CDATA[«Бөек Екатерина. Россия империясенең алтын гасыры» күргәзмәсе «Эрмитаж-Казан» үзәгендә ачылачак]]> https://kzn.ru/meriya/press-tsentr/novosti/vystavka-ekaterina-velikaya-zolotoy-vek-rossiyskoy-imperii-otkroetsya-v-tsentre-ermitazh-kazan/ (Казан шәһәре KZN.RU, 26-нчы октябрь). 7-нче ноябрьдә «Эрмитаж-Казан» үзәгендә «Казан Кремле» музей-тыюлыгында «Бөек Екатерина. Россия империясенең алтын гасыры» күргәзмәсе ачылачак.

Экспозиция берничә тематик бүлекне үз эченә алачак. Үзәк залларында Бөек Екатерина һәм император гаиләсенең башка әгъзаларының мемориаль әйберләре: костюмнар, балалар уенчыклары, асылташлар, корал, мебель предметлары, камейлар, фарфор сервизлар һәм башкалар тәкъдим ителәчәк.

Күргәзмәнең икенче өлеше экспонатлары Екатерина II патшалык иткән чордагы төп вакыйгалар, һөнәрчелек һәм сәнгать үсеше, үзенә буйсынганнарны агартуга юнәлтелгән императрица реформалары турында сөйли, дип хәбәр итә «Эрмитаж-Казан» үзәге матбугат хезмәте. Экспозициянең бер бүлеге Пугачев бунты турында булачак.

Күргәзмә киң белем бирү программасы белән бергә үрелеп барачак. Эрмитаж көннәре кысаларында Казанда күргәзмә кураторы Наталья Бахарева Бөек Екатерина турында лекцияләр циклын укыячак.

Шәһәр халкы һәм кунаклары күргәзмәне 2021 елның 11-нче апреленә кадәр күрә алачак.

 

]]>
Mon, 26 Oct 2020 17:10:20 +0300