Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
29.10.2020, 14:43

Казанлылар Татарстан рәссамына - «ФормART» стрит-арт фестивале финалистына - ярдәм итә ала

Тавыш бирү 31-нче октябрьгә кадәр дәвам итәчәк.

Фото:  mincult.tatarstan.ru

(Казан шәһәре KZN.RU, 29-нчы октябрь). Идел буе федераль округы шәһәрләрендә «ФормART» Бөтенроссия стрит-арт фестиваленең йомгаклау этабы уза. Финалга чыгучылар арасында Татарстаннан яшь рәссам Азат Шакиров та бар. Казанлылар катнашучыны хуплый һәм аның өчен 31-нче октябрьгә кадәр тавыш бирә ала.

Азат Шакиров Казанның Маршал Чуйков урамындагы 55-нче номерлы йорт фасадында «Умарта» муралын ясаган. Муралның сюжет линиясе нигезендә ябылучы умарта оялары образы ята. Фестиваль жюрие билгеләп үткәнчә, барысы да диярлек хәрәкәттә, сәяхәтләрдә, туганнары һәм якыннары белән очрашуларда, паркларда йөрүләрдә чикләнгән вакытта рәсем шәһәр халкына үзизоляциянең авыр чоры турында искә төшерәчәк.

Исегезгә төшерәбез, «ФормART» стрит-арт фестивале Идел буе федераль округы шәһәрләрендә уза һәм коронавирус пандемиясе белән көрәш темасына багышланган. Сайлап алу этабына 7-нче июльдән 17-нче августка кадәр 150-дән артык эш керде. Иҗади эскизларны сынлы һәм урам сәнгате өлкәсендәге федераль һәм төбәк экспертлары бәяләде.

Стрит-арт фестиваленең финал этабы 19-нчы октябрьдә старт алды. Катнашучыларның барлык эшләре сайтта һәм фестивальнең социаль челтәрләрдәге аккаунтларында урнаштырылган. Җиңүчеләр иҗтимагый тавыш бирү нәтиҗәләре буенча билгеләнә.

Үз шәһәре урамнарын бизәү кебек уникаль мөмкинлектән тыш, һәр финалист үз иҗатын һәм осталыгын үстерүгә грантларга дәгъва итә алачак.

Азат Шакиров файдасына тавыш бирү өчен бушлай + 7(800)301-50-23 номеры буенча шалтыратып, финалистның номерын җыярга кирәк - 4. Шалтырату бушлай. Фестиваль турында тулырак мәгълүмат сайтта урнаштырылган.

Барлык яңалыклар