Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
25.02.2020, 11:27

«Яңа дулкын»да катнашу өчен гаризалар кабул итү март ахырына кадәр дәвам итәчәк

Популяр музыка башкаручылар конкурсы Казанда август аенда узачак.

(Казан шәһәре KZN.RU, 25-нче февраль). Казанда август азагында узачак «Яңа дулкын» халыкара популяр музыканы башкаручылар конкурсында катнашу өчен гаризалар кабул итү дәвам итә.

Конкурста 16 яшьтән 35 яшькә кадәрге яшь башкаручылар катнаша ала. Сәхнәгә чыгу хокукына ия булуга көрәшү өчен сайттагы «Яңа дулкын 2020» дигән махсус бүлектә музыкаль материал тәкъдим итәргә кирәк. Гаризалар март ахырына кадәр кабул ителә.

Быел «Яңа дулкын» фестивале беренче тапкыр Казанда узачак. Фестивальне Татарстан башкаласында уздыру ТАССР төзелүнең 100 еллыгына «Яңа дулкын»нан бүләк булды. 2002 елдан 2014 елга кадәр бәйге ел саен Юрмалада (Латвия), 2015 елдан 2019 елга кадәр Сочи шәһәрендә узды. Конкурсның төп максаты - музыка юнәлешендә талантларны эзләү, дип хәбәр итә бәйгене оештыручылар.

Ел саен «Яңа дулкын»да Россия һәм дөнья йолдызлары чыгыш ясый. Үз чыгышлары белән алар яшь башкаручыларга ярдәм итәләр. Фестивальдә төрле елларда Стиви Уандер, Тони Брэкстон, Лара Фабиан, Энрике Иглесиас, Патрисия Каас, Тото Кутуньо, Бонни Тайлер, Стинг, Алла Пугачева, Дмитрий Хворостовский, Иосиф Кобзон, Валерий Леонтьев, Анна Нетребко, Филипп Киркоров, Валерий Меладзе һәм башкалар чыгыш ясады.

Конкурсантлар, мисал өчен, Дима Билан, Сергей Лазарев, Анастасия Стоцкая, Ирина Дубцова, Полина Гагарина кебек популяр артистларга әвереләләр.

Жюри рәисе - Россиянең халык артисты, продюсер һәм композитор Игорь Крутой. Жюри составына ел саен Россиянең һәм башка илләрнең популяр артистлары, музыкантлары, мәдәният эшлеклеләре керә.

Берничә көн дәвамында конкурс ярышлары, йолдызлар концертлары, композиторларның һәм артистларның иҗат кичәләре, махсус чаралар һәм презентацияләр, матбугат конференцияләре, after-party кичәләре уза.

Конкурс «Россия», «РТР-Планета» телеканалларында, БДБ һәм Европа илкүләм телеканалларында, шулай ук odnoklassniki.ru сайтында турыдан-туры трансляцияләнәчәк. Интернет-аудитория тамашачылары караулары саны 20 млн артып китә.

Барлык яңалыклар