Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
11.09.2020, 12:30

Казанда үзмәшгульләр өчен форум узачак

Татарстан микроэшмәкәрләре хакимият органнары вәкилләре белән очраша һәм ярминкәдә һәм лекторий-күргәзмәдә катнаша алачак.


(Казан шәһәре KZN.RU, 11-нче сентябрь). 19-20-нче сентябрь көннәрендә Казанда үзмәшгульләр өчен форум узачак. Татарстан микроэшмәкәрләре Горки-Әмәт урманына җыелачак, алар ярминкәдә үз хезмәтләрен һәм продукцияләрен күрсәтәчәкләр, үзмәшгульлекнең актуаль мәсьәләләре буенча фикер алышу өчен хакимият органнары һәм эшмәкәрлек җәмгыяте вәкилләре белән очрашулар уздырачак.

Форумның эшлекле программасы эшчәнлекне алып бару барышында республиканың үзмәшгуль кешеләрендә барлыкка килә торган төрле мәсьәләләр буенча стратегик сессияләр форматында узачак. Сессия республика хакимият органнары һәм җирле үзидарә органнары вәкилләре катнашында узачак.

Форумда үзмәшгульләргә дәүләт ярдәме чаралары, махсус салым режимын сайлаган гражданнарның электрон сәүдә мәйданчыкларында эше, аларның кредит оешмалары белән хезмәттәшлеге кебек мәсьәләләр күтәреләчәк. Форумда катнашучылар шулай ук эшчәнлек алып барганда үзмәшгуль татарстанлылар очраша торган норматив-хокукый чикләүләр һәм аларның контроль-күзәтчелек органнары белән үзара хезмәттәшлеге турында фикер алышачак.

Санитар-эпидемиологик куркынычсызлык чараларын үтәү максатларында эшлекле программада 40-ка кадәр кеше катнашачак, шул ук вакытта теләүчеләр чарага YouTube платформасында узачак трансляция аша кушыла алачак, дип хәбәр итә ТР Икътисад министрлыгы матбугат хезмәте.

Форум мәйданчыгында эшлекле программадан тыш, үзмәшгульләр продукциясе ярминкәсе оештырылачак, маркетплейсларда микроэшкуарлар товарларын урнаштыруга багышланган күргәзмә-лекторийләр узачак.

Чара кече һәм урта бизнеска ярдәм итү буенча илкләм проект кысаларында узачак.

Бүген үзмәшгульләр сыйфатында 78 меңгә якын татарстанлы теркәлгән. Моннан тыш, яшәү урыны буенча илнең башка субъектларында теркәлгән тагын 8,6 мең чит шәһәр гражданы үз эшчәнлеген алып бару төбәге буларак республиканы сайлады. Федераль салым хезмәте мәгълүматлары буенча, республиканың иң популяр эшчәнлек төрләре булып пассажирлар йөртү, фатирларны арендага бирү, консультацияләү, репетиторлык, программалаштыру, маркетинг һәм реклама тора.

Барлык яңалыклар