Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
25.03.2020, 17:26

Казанда яшәүчеләр киләсе халык санын алу барышында 30 сорауга җавап бирәчәк


(Казан шәһәре KZN.RU, 25-нче март). РФ халкы агымдагы елның октябрендә Бөтенроссия халык санын алу барышында 30 сорауга җавап бирергә тиеш. Халык санын алу барышында кулланылачак исәпкә алу кәгазьләренең өч формасы расланган.

Мәсәлән, «Л» формасы бланкы Россия Федерациясендә даими яшәүче затлар турында белешмәләр җыю өчен билгеләнгән. Анда җенесе, яше, гражданлыгы, туган урыны, милләте, теле, белеме, никахтагы торышы, балалар саны, яшәү өчен акча чыганаклары, мәшгульлек һәм башка мәсьәләләргә кагылышлы 23 сорау бар.

Казан шәһәрендәге Дәүләт статистикасы бүлегендә билгеләп үтүләренчә, исәпкә алу кәгазендә керем күләме турында сорау юк. Шулай ук эш бирүчене дә күрсәтү кирәкми. Мәсәлән, «хезмәт хакы» яки «пенсия» кебек акча чыганагын гына күрсәтергә кирәк булачак. Җавап документаль раслауны таләп итмәячәк. Гражданнар шәхси мәгълүматлар бирмәячәк

Җиде сорау «П» формасы бланкында бирелә, ул халыкның торак шартлары турында мәгълүмат җыю өчен кулланылачак. Респондентлардан торак урын тибы, йорт төзелеше вакыты, фатирның гомуми мәйданы, бүлмәләр саны, торак урынны төзекләндерү төрләре турындагы сорауларга җавап бирүне сораячаклар.

«В» формасы блогы Россиядә вакытлыча булучылар һәм даими яшәүче башка илләр өчен мәгълүмат җыю өчен каралган. Анда җенесе, яше, даими яшәү иле, Россиягә килү максаты, Россия территориясендә яшәү вакыты һәм башка мәсьәләләргә кагылышлы 7 сорау булачак.

Бөтенроссия халык санын алу 2020 елның 1-нче октябреннән 31-нче октябренә кадәр бөтен ил территориясендә узачак. Ул беренче тапкыр цифрлы форматта үткәрелә. Гражданнар электрон исәпкә алу кәгазьләрен үзләренә һәм үз гаиләсе әгъзаларына РФ дәүләт хезмәтләре Бердәм порталында мөстәкыйль тутыра алачак. Интернет-исәпкә алуны шулай ук мобиль кушымтада һәм күп функцияле үзәкләрдә дә узарга мөмкин булачак. Һәр катнашучы раслану сыйфатында цифрлы һәм QR-код алачак. Өйгә исәпкә алучы хезмәткәр килгәч, аңа бу кодны күрсәтү дә җитә. Исәпкә алучылар үз эшләрендә кәгазь бланклар урынына планшетлар кулланачак. Кәгазьләр бары тик аерым очракларда гына тутырылачак - мәсәлән, планшет кинәт сүнеп киткән очракта. Исәпкә алучылар махсус экипировкалы (жилет, шарф һәм ВПН-2020 символикасы расланган портфель) һәм таныклык белән булачак.

Росстатта, үз чиратында, 2019 елда уздырылган сораштыру барышында россиялеләрнең 52%-ы Gosuslugi.ru порталында интернет-исәпкә алуны 2020 елгы Бөтенроссия халык санын алуны үткәрүнең өстенлекле ысулы дип атаганнар.

Искәртеп узабыз, узган Бөтенроссия халык санын алу 2010 елның октябрендә узды. Аның нәтиҗәләре буенча, Казанда 1143,5 мең кеше яшәгән, шуларның 635,1 меңе - хатын-кыз һәм 508,4 меңе - ир-ат.

Киләсе халык санын алуның беренче нәтиҗәләре 2020 елның декабрендә үк барлыкка киләчәк. Беренчел нәтиҗәләрне 2021 елның февралендә игълан итәчәкләр, ә ахыргы нәтиҗәләр 2021-2022 еллар дәвамында билгеле булачак.

Барлык яңалыклар